وفاقی حکومت نے پٹرول کی قیمت میں کمی جبکہ ڈیزل کی قیمت میں معمولی اضافہ کردیا، اس حوالے سے پٹرولیم ڈویژن نے نوٹی فکیشن بھی جاری کردیا ۔
اسلام آباد: پیٹرولیم ڈویژن کی جانب سے جاری نوٹیفکیشن کے مطابق آئل اینڈ گیس ریگیولیٹری اتھارٹی نے حکومت کے طریقہ کار کی بنیاد پر پٹرولیم مصنوعات کی قیمتوں میں ردوبدل کردیا ہے ۔
حکومت نے پٹرول کی فی لیٹر قیمت میں 2 روپے 71 پیسے کمی کر دی، جس کے بعد پٹرول کی نئی قیمت 379 روپے 31 پیسے فی لیٹر مقرر کردی ہے ۔
ہائی سپیڈ ڈیزل کی قیمت میں 31 پیسے فی لیٹر اضافہ کردیا گیا ہے اور نئی قیمت 390 روپے 11 پیسے فی لیٹر ہوگئی ہے، نوٹیفکیشن کے مطابق پیٹرولیم مصنوعات کی نئی قیمتوں کا اطلاق 22 اکتوبر 2026 کے لیے ہوگا ۔
وزارت پیٹرولیم نے اعلامیے میں بتایا کہ عالمی حالات، پلاٹس ریٹس اور دیگر اخراجات کے باعث پیٹرولیم مصنوعات کی قیمتوں میں ردوبدل کیا گیا ہے ۔
