گلگت: چین کے صوبے گوانگ ڈونگ کے شہر فوشان سے تعلق رکھنے والے معروف کاروباری اداروں کے 6 رکنی وفد نے گلگت بلتستان کا دورہ شروع کر دیا ہے۔
وفد میں ٹیکسٹائل پرنٹنگ و ڈائینگ، ٹیکسٹائل فائبر اور بائیو ٹیکنالوجی کے شعبوں سے وابستہ کاروباری نمائندے شامل ہیں۔
دورے کے دوران چینی وفد نے گلگت چیمبر آف کامرس اینڈ انڈسٹری اور گلگت ویمن چیمبر آف کامرس اینڈ انڈسٹری کے نمائندوں سے ملاقاتیں کیں۔
ملاقاتوں میں دوطرفہ تجارتی روابط کے فروغ، سرمایہ کاری، خام مال کی فراہمی، مقامی سطح پر مصنوعات کی تیاری پر تبادلہ خیال کیا گیا۔
علاوہ ازیں سرحد پار گوداموں کے قیام اور برآمدات میں تعاون کے امکانات پر بھی تبادلہ خیال کیا گیا۔
