ہنگو: اشیائے خورونوش لے کر 100 گاڑیوں کا قافلہ سخت سيکيورټی میں ضلع کرم کے لیے صبح روانہ ہوا تھا جو اب بحفاظت پہنچ چکا ہے ۔
ڈي سي ہنگو گوہر زمان نے بتايا که ٹل سے کرم کےلیے 60 گاڑیوں پرمشتمل قافلہ روانہ کیا گیا جس کے بعد مزید 40 گاڑیوں کا قافلہ ٹل سے روانہ ہوگیا ، یہ دونوں قافلے بحفاظت اپنی منزل تک پہنچ چکے ہیں ۔
ڈپٹی کمشنر کے مطابق قافلے میں آٹا،گھی،چینی،ادویات اور روزمرہ کی اشیاء شامل ہیں جب کہ قافلے کی حفاظت کے لیے سکیورٹی کے سخت انتظامات کیے گئے تھے ۔
اس سے قبل آر پی او عباس مجید مروت نے پاک آرمی کے افسران اور کمشنر کوہاٹ ڈویژن معتصم باللہ شاہ کے ہمراہ لوئر کرم کے علاقوں اوچت کلے، مندوری اور بگن کا دورہ کیا اور وہاں ہونے والے نقصانات کا جائزہ لیا ۔
انہوں نے کہا کہ بگن، اوچت کلے ، مندوری اور ملحقہ علاقوں سمیت ضلع کرم امن و امان قائم کرنے کے لیے ہر ممکن اقدامات کیے جا رہے ہیں، اور کرم امن معاہدے پر مکمل عمل درآمد کیا جا رہا ہے ۔
