سوڈان کے شہر الفاشر میں سعودی تدریسی مادرنی ہسپتال پر ڈرون حملے میں 70 افراد جاں بحق ہو گئے ہیں، عالمی ادارہ برائے صحت ڈبلیو ایچ او کے سربراہ ڈاکٹر ٹیڈروس ادہانوم گیبریسوس نے ہلاکتوں کی تصدیق کی ہے۔
اس حملے کو سوڈانی فوج کے مخالف گروپ، ریپڈ سپورٹ فورسز (RSF) نے مبینہ طور پر انجام دیا، جو حالیہ دنوں میں سوڈانی فوج کے خلاف میدان جنگ میں مشکلات کا سامنا کر رہا ہے ۔
عالمی سطح پر اس حملے کی مذمت کرتے ہوئے سعودی عرب کی وزارت خارجہ نے اسے ”بین الاقوامی قانون کی خلاف ورزی“ قرار دیا ہے ۔
اس دوران، ڈبلیو ایچ او کے سربراہ نے کہا کہ الفاشر میں سعودی ہسپتال پر ہونے والے اس افسوسناک حملے میں 70 افراد جاں بحق جبکہ 19 افراد زخمی ہوئے ہیں، حملے کے وقت ہسپتال میں مریضوں کا ہجوم تھا، جو علاج حاصل کر رہے تھے ۔
دوسری جانب پاکستان نے سوڈان میں سعودی ہسپتال الفریش پر حملے کی مذمت کی ہے، ترجمان دفترخارجہ کی جانب سے بیان میں کہا گیا کہ سوڈان میں سعودی اسپتال پرحملہ بین الاقوامی قانون کی واضح خلاف ورزی ہے، معصوم شہریوں کو شدید خطرات لاحق ہیں ۔
