پشاور میں تبدیلی کا سفر،ماحولیاتی آلودگی پر قابو پانے اور پشاور کو کلین اینڈ گرین بنانے کے حوالے سے ایک نئے منصوبے کا آغاذ کیا گیا ہے۔
اس حوالے سے ڈپٹی کمشنر پشاور آفاق وزیر کی زیر صدارت اہم اجلاس منعقد ہوا جس میں انتظامی افسران سمیت محکمہ ریجنل ٹرانسپورٹ اتھارٹی، ٹریفک پولیس، کیپٹل میٹرو پولیٹن گورنمنٹ، ٹی ایم ایز، ڈبلیو ایس ایس پی، پی ڈی اے اور دیگر محکموں کے افسران نے شرکت کی۔ ڈپٹی کمشنر پشاور نے بتا یا کہ پشاور میں آج سے ایک ماہ کیلئے کلین اینڈ گرین مہم کا آغاز کر دیا گیا ہے۔شہر کو ہر طرف سے ہر زمانے کا رنگ دینے کے لئے ہم نے ایک نئے منصوبےکا آغاز کیا ہے
جس میں ضلعی انتظامیہ کی زیر نگرانی متعلقہ محکمے دھواں چھوڑنے والی گاڑیوں کے خلاف روزانہ کی بنیاد پر کارروائیوں کریں گے اور آلودگی پھیلانے والےفیکٹریوں کے خلاف بھی روزانہ کی بنیاد پر کارروائی کی جائے گی۔ انہوں نے کہا کہ کہ پشاور میں خصوصی صفائی مہم کا آغاز کر دیا گیا ہے
جس میں انتظامی افسران کی زیر نگرانی ٹی ایم ایز اور ڈبلیو ایس ایس پی کے اہلکار روزانہ کی بنیاد پر کوڑا کرکٹ اور کچرا اُٹھائیں گے۔نالیوں اور گلیوں کی صفائی بھی کی جائے گی اور معمول کی صفائی کے ساتھ صفائی مہم بھی جاری رہے گی۔
اس کے ساتھ پشاور میں عوامی آگاہی مہم بھی چلائی جائے گی جس میں عوام و تاجروں کو ہدایت کی جائے گی کہ وہ گلیوں، اور سڑکوں پر کچرہ و گند نہ پھینکیں اور کچرے کو کوڑے دانوں میں ڈالیں تاکہ پشاور کو سرسبز و شاداب بنایا جا سکے اور اس مہم میں عوام کو شراکت دار بنایا جائے گا تاکہ عوامی تعاون کیساتھ اس مہم کو کامیاب بنایا جا سکے۔
