تخت بھائی میں پولیس کے مطابق چارسدہ روڈ پرکامران گاوں کے قریب تخریب کاری کا بڑا منصوبہ ناکام بنا دیا گیا ہے۔
اطلاع ملتے ہی بم ڈسپوزل سکواڈ نے موقع پر پہنچ کر کارروائی کی اور فوری طور پر پریشر کوکر میں رکھے ہوئے بارودی مواد کو ناکارہ بنا کر علاقے کو ایک بڑے سانحے سے بچادیا۔ بارودی مواد کا وزن 04 سے 05 کلو بتایا جاتا ہے۔پولیس کے مطابق بم ڈسپوزل سکواڈ کی ٹیم نے بارودی مواد اپنے قبضے میں لے کر واقعے کی اعلیٰ سطح پر تحقیقات شروع کر دیں۔
واضح رہے کہ اس بارودی مواد کی اطلاع گاؤں کے بچوں نے دی تھی۔ واقعے کی اطلاع ملتے ہی ڈی پی او مردان ظہور بابر آفریدی، ڈی ایس پی تخت بھائی سرکل شکیل خان، پولیس سٹیشن ساڑوشاہ کے ایس ایچ او اور بم ڈسپوزل سکواڈ انچارج جائے وقوعہ پر پہنچ گئے۔
