یوم پاکستان کی مناسبت سے پنجاب اسمبلی میں قرار دادجمع کرادی گئی ہے
قراردادمسلم لیگ ن کی رکن حنا پرویز بٹ کی جانب سے یوم پاکستان کے موقع پر جمع کرائی گئی ہے،قرارداد کے متن میں کہاگیا کہ اس عزم کااعادہ یہ ایوان کرتا ہےکہ قیام پاکستان کےمقاصد کی روشنی میں طےاصولوں کےمطابق ملک چلائیں گے۔حقیقی معنوں میں ،دو قومی نظریے پر عملدرآمد کیا جائے گا۔
مزید قرارداد کےمتن میں کہاگیا کہ دو قومی نظریےکا شعور نوجوان نسل میں اجاگر کرنے کی اشد ضرورت ہے،ہمیں آج کادن یاددلا رہا ہےکہ اجتماعی طور پرہمیں پاکستان میں ان تصورات اورروایات کو فروغ دینا ہوگا،جو دنیا میں اہل پاکستان کو آزاد و خودمختار قوم کے طور پر ابھاریں۔اپنےاہداف قیام پاکستان کےاصل اغراض ومقاصد کے حصول کےلئےمقررکرنے ہوں گے، سب کو آپس کےتمام اختلافات کو پس پشت ڈال کر ملکی ترقی و خوشحالی کےلئے ایک ہونا ہے۔
