وزیراعظم:ماسکو میں دہشت گردی پر اظہار افسوس

وزیراعظم  شہباز شریف نے ماسکو میں دہشت گردی پر اظہار افسوس کیا ہے

وزیراعظم پاکستان شہباز شریف نے ماسکو میں دہشتگردی کے افسوسناک واقعے پرافسوس کا اظہار کیا ہے۔اپنےبیان میں وزیراعظم شہباز شریف نے کہاماسکو میں گزشتہ رات ہونے والا حملہ قابل مذمت ہے، کئی قیمتی انسانی جانیں حملے میں ضائع ہوئیں ہیں،جاں بحق افراد ہونے والوں کے لواحقین سے دلی تعزیت کرتا ہوں،اس مشکل کی گھڑی میں پاکستان روس کے ساتھ کھڑا ہے۔روسی دارالحکومت ماسکو کے کنسرٹ ہال میں فائرنگ کےواقعے میں100 سے زائد افراد زخمی ہوئے جبکہ 40  افراد ہلاک ہوئے ہیں، بین الاقوامی خبررساں اداروں کی رپورٹس کے مطابق عالمی دہشتگردی تنظیم داعش نے کنسرٹ ہال میں ہونے والے دہشتگردی کے واقعہ کی ذمہ داری قبول کر لی ہے۔

آر آئی اے خبر رساں ایجنسی نے جائے وقوعہ پر موجود ایک رپورٹر کے حوالے سے بتایا کہ فائرنگ شروع ہونے کے بعد دستی بم یا آگ لگانے والا بم پھینکا گیا جس سے آگ کنسرٹ ہال میں لگ گئی۔رپورٹر کے مطابق فائرنگ سے بچنے کے لیے ہال میں موجود لوگ فرش پر لیٹ گئے اور 15 سے 20 منٹ تک لیٹے رہے، وہ جس کے بعد رینگنے لگے اور بہت سے لوگ باہر نکلنے میں کامیاب ہو گئے۔ریسکیو حکام نے بتایا کہ بحفاظت 100 سے زائد افراد کو نکال لیا گیا ہے۔،مزید واقعے کی تحقیقات جاری ہیں۔