پشاور (خصوصی رپورٹر) — خیبر ٹیلی ویژن کا مقبول میوزیکل اور کامیڈی پروگرام “شینو مینو شو” عید اسپیشل کی ریکارڈنگ بدھ 20 مئی کو سپرنگ کارنیوال شادی ہال میں کی جائے گی۔
اس خصوصی شو میں ہر خاص و عام کے لیے داخلہ مفت ہوگا جبکہ فلم اور ٹیلی ویژن کے نامور فنکار اپنی شاندار پرفارمنس پیش کریں گے۔
پروگرام کی میزبانی مینا شمس اور شینو ماما کریں گے، جبکہ عالمی شہرت یافتہ رباب نواز شاہد ملنگ اپنے آرکسٹرا کے ساتھ لائیو پرفارمنس پیش کر کے تقریب کو چار چاند لگائیں گے۔
