خیبر پختونخواہ کے وزیر اعلیٰ علی امین گنڈا پور نے گورنر فیصل کریم کنڈی کو ہتک عزت کا نوٹس بھیجا دیا ہے۔
ذرائع کے مطابق نوٹس میں گورنر سے مطالبہ کیا گیا ہے کہ وہ اپنا بیان واپس لیں اور یہ دعویٰ کرنے پر معافی مانگیں کہ وزیراعلیٰ نے اپیکس کمیٹی کے اجلاس میں آپریشن استحکام پاکستان کے مسودے پر دستخط کیے تھے۔نوٹس کے مطابق گورنر نے یہ بیان ٹی وی پر دیا ہے اور اگر گورنر نے معافی نہیں مانگی تو انہیں 1000 ملین روپے کا جرمانہ ادا کرنا پڑے گا۔واضح رہے کہ علی امین گنڈا پور اور نومنتخب گورنر فیصل کریم کنڈی کے درمیان لفظوں کی جنگ جاری رہتی ہے۔
