اسلام آباد: وفاقی وزیر بحری امور جنید انوار چوہدری نے کہا ہے کہ آلودگی سے پاک بندرگاہیں محفوظ نیویگیشن کیلئے ناگزیر ہیں۔
وفاقی وزیر کا کہنا تھا کہ بندرگاہوں پر جدید ویسٹ کلیکشن آلات اور مانیٹرنگ سسٹمز متعارف کرائیں گے۔
وفاقی وزیر بحری امور نے صاف اور پائیدار سمندری ماحول کے عزم کا اعادہ کر تے ہوئے بتایا کہ ایسٹ وارف، ویسٹ وارف اور بوٹ بیسن جیٹی پر صفائی آپریشن مکمل ہو گیا۔
کراچی پورٹ پر صفائی مہم کے دوران 16 ہزار کلوگرام سے زائد کچرا جمع کیا گیا۔ انہوں نے کہا کہ کچرے کو ماحولیاتی قوانین کے مطابق محفوظ طریقے سے ٹھکانے لگایا گیا۔
پلاسٹک، تیرتا کچرا اور ماہی گیری کا فضلہ سمندری حیات کیلئے سنگین خطرہ ہے۔ اس حوالے سے چیئرمین کراچی پورٹ ایڈمرل شاہد احمد کی کاوشیں پائیدار سمندری ترقی کی جانب اہم قدم ہیں۔
وفاقی وزیر بحری امور جنید انوار چوہدری نے کہا کہ کراچی بندرگاہ پر تجارتی سرگرمیوں میں تیزی ہونے کے بعد مستقل صفائی ضروری ہے۔
