وزیرآباد کے علاقے علی پور چٹھہ میں سیکنڈ ایئر کی طالبہ کے ساتھ مبینہ اجتماعی زیادتی ہوئی۔جس کا مقدمہ درج کرلیا گیا ہے۔ وزیراعلیٰ پنجاب کے مطابق ملوث ملزمان کو کیفر کردار تک پہنچایا جائے گا۔
پولیس نے مقدمہ درج کرنے کے بعد کارروائی شروع کردی۔ کارروائی کرتے ہوئے ایک ملزم کو گرفتار بھی کرلیا گیا ہے۔ باقی ملزمان کی تلاش جاری ہے۔ پولیس کے مطابق لڑکی کے والد کی مدعیت میں مقدمہ درج کیا گیا ہے۔متاثرہ لڑکی کے والد نے پولیس کو بتایا ہے کہ بیٹی پیپر دینے کے لئے کالج گئی تھی،تب ہی ملزمان نے اغوا کرلیا، ملزمان نے بیٹی کو زیادتی کا نشانہ بنایا اور ساتھ ہی اس کی ویڈیوز بھی بنائیں، ملزمان ویڈیوز کے بہانے بلیک میل کرکے طالبہ کو دوبارہ بلاتے رہے۔دوسری طرف وزیراعلیٰ پنجاب مریم نواز نے طالبہ سے مبینہ اجتماعی زیادتی کے واقعہ کا نوٹس لے لیا ہے۔ وزیراعلیٰ مریم نواز نے انسپکٹر جنرل سے اس کی رپورٹ بھی طلب کرلی ہے، کہا ملوث ملزمان کو کیفر کردار تک پہنچایا جائے گا۔
