Latest Urdu news from Pakistan - Peshawar, Lahore, Islamabad

پاکستان دنیا میں سب سے زیادہ گرمی والا علاقہ قرار پایا

پاکستان میں گرمی کا ریکارڈ ٹوٹ گیا ہے۔ پاکستان گزشتہ 24 گھنٹوں میں دنیا میں سب سے زیادہ گرمی والا علاقہ قرار پایا ہے۔

ذرائع کے مطابق گزشتہ 24 گھنٹوں میں صوبہ سندھ کا علاقہ موہنجودڑو دنیا کا سب سے گرم ترین علاقہ قرار پایا ہے۔جدھر درجہ حرارت 53 ڈگری سینٹی گریڈ تک نوٹ کیا گیا ہے۔اس کے علاوہ بھی دیگر شہروں میں بھی درجہ حرارت 50 ڈگری سینٹی گریڈ یا اس سے زیادہ ریکارڈ کیا گیا ہے۔محکمہ موسمیات کا اس حوالے سے کہنا ہے کہ جیکب آباد میں درجہ حرارت 52 جبکہ دادو میں 51 ڈگری سینٹی گریڈ رہا۔ اس کے علاوہ خانپور، خیرپور، لاڑکانہ، سبی، روہڑ ی میں درجہ حرارت 50، رحیم یار خان، بھکر، ڈی جی خان، کوٹ ادو میں درجہ حرارت 49 ڈگری سینٹی گریڈ رہا ہے۔

محکمہ موسمیات کے مطابق آج کراچی میں بھی موسم گرم اور مرطوب رہنے کا امکان ہے جبکہ سندھ کا درجہ حرارت 48 تا 50 ڈگری سینٹی گریڈ رہنا اب معمول کی بات بن گئی ہے۔محکمہ موسمیات کے مطابق پشاور میں 41، اسلام آباد میں 40 اور کراچی میں 37 ڈگری رہنے کی پیشگوئی کی ہے ۔جبکہ پی ڈی ایم اے ذرائع کے مطابق ملک بھر کے تمام ہسپتالوں میں ہیٹ ویو کاؤنٹرز قائم کردیے گئے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.