پشاور: معرکۂ حق نے ثابت کیا کہ پاکستان اپنی خودمختاری کے دفاع کی مکمل صلاحیت رکھتا ہے۔
گورنر خیبرپختونخوا فیصل کریم کنڈی نے معرکۂ حق کی کامیابی کے ایک سال مکمل ہونے پر اپنے پیغام میں کہا۔
انہوں نے کہا کہ افواجِ پاکستان نے دشمن کی ہر جارحیت کا مؤثر اور فیصلہ کن جواب دیا اور معرکۂ حق میں دشمن کے ناپاک عزائم کو ناکام بنایا گیا۔
گورنر کا کہنا تھا کہ معرکۂ حق میں پوری قوم افواجِ پاکستان کے شانہ بشانہ کھڑی رہی۔
اس کامیابی نے قومی اتحاد، اعتماد اور حب الوطنی کے جذبے کو مزید مضبوط کیا۔
فیصل کریم کنڈی نے کہا کہ پاکستان خطے میں امن، استحکام اور باہمی احترام پر یقین رکھتا ہے۔
کسی بھی جارحیت کا جواب پوری قوت اور قومی یکجہتی کے ساتھ دیا جائے گا۔
انہوں نے واضح کیا کہ پاکستان کی سلامتی اور خودمختاری پر کوئی سمجھوتہ نہیں ہوگا۔
گورنر خیبر پختونخوا نے اپنے پیغام میں کہا کہ بہادر سپوتوں نے مادرِ وطن کے دفاع میں لازوال قربانیاں دی ہیں۔
شہداء اور غازی قوم کا فخر ہیں، ان کی قربانیاں ہمیشہ یاد رکھی جائیں گی۔
