وفاقی حکومت نے یکم اکتوبر سے 15 اکتوبر تک پیٹرولیم مصنوعات کی قیمتوں میں مزید کمی کا اعلان کردیا ہے۔
وزارت خزانہ کی جانب سے جاری نوٹی فکیشن کے مطابق پیٹرول کی قیمت میں 2 روپے 07 پیسے اور لائٹ ڈیزل کے نرخ میں ایک روپے 3 پیسے فی لیٹر کمی کی گئی ہے ۔
نوٹی فکیشن کے مطابق کمی کے بعد پیٹرول کی نئی قیمت 247 روپے 3 پیسے فی لیٹر ، ڈیزل کی نئی قیمت 246 روپے 29 پیسے اور لائٹ ڈیزل آئل کی نئی قیمت 140روپے 90 پیسے فی لیٹر مقرر کی گئی ہے ۔
نوٹی فکیشن میں مزید کہا گیا ہے کہ مٹی کا تیل بھی 3 روپے 57 پیسے فی لیٹر سستا کردیا گیا ہے جس کے بعد مٹی کے تیل کی نئی قیمت 154 روپے 90 پیسے فی لیٹر ہو گئی ہے۔
پٹرولیم مصنوعات کی نئی قیمتوں کا اطلاق یکم اکتوبر سے ہوگا اور یہ قیمت 15 اکتوبر تک نافذالعمل رہے گی ۔
