لاہور: پاکستان کرکٹ بورڈ نے سابق ٹیسٹ کرکٹر اور فاسٹ باولر عاقب جاوید کو عبوری مدت کے لیے وائٹ بال کا ہیڈ کوچ مقرر کرنے کا فیصلہ کیا ہے۔
پپاکستان کرکٹ بورڈ کی جانب سے جاری اعلامیے میں کہا گیا ہے کہ پی سی بی کی سلیکشن کمیٹی کے سینئر ممبر اور سابق فاسٹ بولر عاقب جاوید کو چمپیئنز ٹرافی 2025 کے انعقاد تک عبوری مدت کیلئے وائٹ بال ہیڈ کوچ مقرر کردیا گیا ہے۔
پی سی بی کا کہنا ہےکہ اس دوران مستقل ہیڈ کوچ کی سلیکشن کا عمل بھی شروع کردیا جائے گا جو چیمپئنز ٹرافی کے اختتام تک مکمل ہو جائے گا۔
چیمپئنز ٹرافی کے بعد عاقب جاوید کو پاکستان کرکٹ بورڈ میں ممبر سلیکشن کمیٹی کے علاوہ اضافی ذمہ داری بھی تفویض کی جائے گی۔
