ضلع مردان کی تحصیل تخت بھائی میں آثارقدیمہ کی حفاظت کیلئے قائم چیک پوسٹ پر رات گئے شدت پسندوں نے حملہ کیا۔
ذرائع کے مطابق شدت پسندوں نے چیک پوسٹ پر دستی بم پھینکا اور فائرنگ بھی کی۔
شدت پسندوں کی فائرنگ سے پولیس اہلکار عمر نبی شہید ہوگئے جبکہ دو اہلکار زخمی بھی ہوئے ۔
زخمہ اہلکاروں کو مردان میڈیکل کمپلیکس منتقل کردیا گیا۔
شہید اہلکار کی نماز جنازہ ادا کردی گئی جس میں پولیس افسران ،جوان او شہید کے رشتہ داروں سمیت دیگر لوگوں نے بڑی تعداد میں شرکت کی۔
گورنر فیصل کریم کنڈی اور وزیراعلیٰ خیبر پختونخوا علی امین گنڈاپور نے تخت بھائی میں دہشتگردوں کے حملے کی مذمت کی ہے اور پولیس اہلکار کے جاں بحق ہونے پر گہرے دکھ اور غم کا اظہار کیا ہے۔
