گذشتہ شب رینجرز اہلکاروں پر تحریک انصاف کے شرپسندوں کے حملے کی سی سی ٹی وی فوٹیج منظر عام پر آگئی۔ فوٹیج میں دیکھا جا سکتا ہے کہ شرپسندوں کی تیز رفتار گاڑی نے نام نہاد احتجاج کی آڑ میں اسلام آباد میں ڈیوٹی پر مامور رینجرز اہلکاروں کو کچل ڈالا۔ سی سی ٹی وی فوٹیج کے مطابق افسوسناک واقعہ26 نومبر2024 کی رات 2بجکر44منٹ پر پیش آیا۔ سی سی ٹی وی فوٹیج میں واضح طور پر دیکھا جا سکتا ہے کہ شرپسندوں کی تیز رفتار گاڑی درخت کے عقب سے آتے ہوئے رینجرز اہلکاروں کو کچلتے ہوئے آگے نکل گئی۔
اس افسوسناک واقع میں رینجرز کے تین اہلکار شہید ہو گئے اور تین شدید زخمی ہُوئے، واقعہ اُس وقت پیش آیا جب رینجرز جوان ناکہ پر تعینات ہو رہے تھے۔
یہ واقعہ بھی پی ٹی آئی کے شر پسندوں کی منظم اور سوچی سمجھی حکمت عملی کے تحت کیا گیا جس کو سی سی ٹی وی فوٹیج میں واضح دیکھا جا سکتا ہے۔ دوسری جانب پی ٹی آئی کے فسادی سوشل میڈیا پر واقع کو حقائق کے برعکس توڑ مروڑ کر جھوٹا پروپیگنڈا کر رہے ہیں۔ واضح رہے کہ اس سے قبل بھی پرتشدد مظاہرین کی متعدد ویڈیوز منظرِ عام پر آچکی ہیں۔ ذرائع کے مطابق سی سی ٹی وی فوٹیجز کے ذریع شر پسندوں کی شناخت کا عمل جاری ہے۔
واقع میں ملوث شرپسندوں کے خلاف سخت قانونی کارروائی عمل میں لاکر قرار واقعی سزا دی جائے گی۔
