وزیراعلیٰ پنجاب مریم نواز ہیلی کاپٹر کے ذریعے میاں چنوں میں قومی ہیرو ارشد ندیم کے گھر پہنچیں، جہاں اولمپئین اور انکے اہلخانہ نے انکا استقبال کیا۔
وزیراعلیٰ مریم نواز نے ارشد ندیم کی والدہ محترمہ رضیہ پروین کو گلے لگاکر مبارکباد پیش کی جبکہ اپنے ہمراہ بٹھایا جبکہ اہلخانہ کے ہمراہ تصاویر اور سلفیاں بھی بنوائیں۔
وزیراعلیٰ پنجاب مریم نواز نے اولمپیئن ارشد ندیم کو 10 کروڑ روپے کا چیک پیش کیا جبکہ ہنڈا سوک گاڑی بھی تحفے میں پیش کی۔
وزیراعلیٰ پنجاب مریم نواز نے اس موقع پر گولڈ میڈلسٹ اولمپیئن اور قومی ہیرو ارشد ندیم کے کوچ سلمان اقبال بٹ کو بھی 50 لاکھ روپے کا چیک دیا۔
اس موقع پر مریم نواز نے کہا کہ قوم کو ارشد ندیم نے بےمثال خوشی سے ہمکنار کیا جبکہ اولمپئین کے والد نے وزیراعلیٰ کی آمد کو عزت افرائی قرار دیا۔
اس موقع پر مریم نواز کے ہمراہ سینیئر منسٹر مریم اورنگزیب، وزیر کھیل فیصل ایوب کھوکھر، معاون خصوصی ذیشان ملک سمیت دیگر اراکین بھی موجود تھے۔
میاں چنوں کے ڈپٹی کمشنر کا کہنا ہے کہ ارشدندیم کو وزیراعلیٰ کی ہدایت پر کار رجسٹریشن نمبر9297 الاٹ کردیا گیا ہے ۔
ارشد ندیم نے پیرس اولمپکس میں مینز جیولین تھرو ایونٹ کے فائنل میں92.97 میٹر کی تھرو کرکے نیا اولمپک ریکارڈ اپنے نام کرتے ہوئے پاکستان کو گولڈ میڈل جتوایا۔
