پنجاب بھر کے ڈپٹی کمشنرز کو پولی تھین بیگز سے متعلق پالیسی بنانے کی ہدایت کردی گئی ہے۔
لاہور ہائیکورٹ نے پنجاب بھر کے ڈپٹی کمشنرز کو پولی تھین بیگز سے متعلق پالیسی بنانے کی ہدایت جاری کردی ہیں۔لاہور ہائیکورٹ کے جج جسٹس شاہد کریم نے اسموگ تدارک کی درخواستوں پر یہ تحریری حکم جاری کیا ہے۔لاہور ہائیکورٹ کی ہدایت کے مطابق ہر ڈپٹی کمشنر پولی تھین بیگز (پلاسٹک بیگز) اکٹھے کرنے اور تلف کرنے کیلئے پالیسی بنائے گا اور شہریوں پر فیس عائد کرنے کو بھی پالیسی کا حصہ بنایا جائے۔
آئندہ سماعت پر عدالت نے پنجاب کے تمام اضلاع کی پالیسی عدالت میں پیش کرنے کی ہدایت کی ہے۔عدالت نے یہ بھی ہدایت کی کہ پنجاب بھر کی تمام صنعتوں کو فضلا اور آلودگی کا باعث نہ بننے والے ڈیوائسز لگائی جائیں۔چیمبر آف کامرس کو عدالت نے ہدایات جاری کرتے ہوئے چار ہفتوں میں رپورٹ طلب کرلی ہے،جبکہ عدالت نے آلودگی کا باعث بننے والی فیکٹریوں اور بھٹوں کے خلاف کارروائیاں جاری رکھنے کا بھی حکم جاری کیا ہے۔
