پاک افغان سرحد پر فائرنگ کے تبادلے کے بعد پاکستان اور افغان طالبان حکومت کے درمیان کشیدگی مزید بڑھ گئی ہے
پاکستانی سیکیورٹی ذرائع کے مطابق گزشتہ شام افغانستان کے صوبہ ننگرہار سے پاکستانی حدود میں لنڈی کوتل اور تیراہ کے علاقوں پر بلااشتعال گولہ باری کی گئی۔ ذرائع کا کہنا ہے کہ سرحدی علاقوں میں تین مختلف مقامات پر جھڑپیں ہوئیں اور فائرنگ کا سلسلہ تقریباً ایک گھنٹے تک جاری رہا۔
سیکیورٹی حکام کے مطابق پاکستانی فورسز نے فوری اور مؤثر جوابی کارروائی کی، جبکہ پاکستان کی جانب کسی جانی نقصان کی اطلاع نہیں ملی۔ ذرائع نے مزید بتایا کہ جوابی کارروائی کے دوران افغان طالبان کی ایک چیک پوسٹ کو نشانہ بنایا گیا جو مکمل طور پر تباہ ہو گئی۔
ادھر وزیراعظم کے بھر ملکی میڈیا ترجمان مشرف زیدی نے ایک بیان میں کہا ہے کہ کسی بھی قسم کی جارحیت یا اشتعال انگیزی کا فوری اور سخت جواب دیا جائے گا۔
