اسلام آباد:نائب وزیراعظم اور وزیرخارجہ اسحاق ڈار نے کہاہے کہ پاک فوج کی جانب سے لیفٹیننٹ جنرل ریٹائرڈ فیض حمید کی گرفتاری اللہ تعالیٰ کی طرف سے ایک معجزہ ہے۔
اپنے ایک بیان میں اسحاق ڈار نے کہا کہ اس معجزے پر حیران ہوں۔پاکستان میں پہلی مرتبہ اس طرح کی چیزیں ہوئی ہیں۔
نائب وزیراعظم کا کہنا تھا کہ یہ 2011 کا پروجیکٹ تھا جس کا اختتام ہوا ہے۔
انھوں نے کہا کہ 2014 کا دھرنا بھی ناکام ہوا اور معیشت بھی خراب ہوئی۔
اسحاق ڈار کا یہ بھی کہنا تھا کہ ہم آج تک اس کے نقصانات بھگت رہے ہیں۔
نائب وزیراعظم نے انکشاف کیا کہ میں بھی فیض حمید کے متاثرین میں شامل ہوں۔ فیض حمید نے اکتوبر میں مجھ سے معافی مانگی تھی۔
