ایف سی بلوچستان نے قومی شاہراہ این 65 پر بروقت کارروائی کرتے ہوئے متعدد قیمتی زندگیوں کو بچالیا ہے۔
اعلامیہ کے مطابق بلوچستان میں قومی شاہراہ این 65 پر پنجرہ پل کے مقام پر آئل ٹینکر کو آگ لگی جس کی وجہ سے سینکڑوں گاڑیاں پھنس گئیں۔ گاڑیوں میں خواتین، اور بچوں سمیت ہزاروں شہریوں کی ایک بڑی تعداد موجود تھی۔ ایف سی بلوچستان (نارتھ) کے جوانوں نے لیویز کے ساتھ ملکر شہریوں کو نکالا اور ٹریفک کو رواں دواں رکھنے کیلئے کافی کاوشیں کیں۔ اب قومی شاہراہ کو ہر قسم کی ٹریفک کیلئے کھول دیا گیا ہے۔
