پشاور میں موٹرسائیکل پر سوار دہشت گردوں نےابابیل فورس پر فائرنگ کر دی جس سے ایک اہلکار شہید اور ایک زخمی ہوگیا۔
ذرائع کےمطابق گلبہار کے علاقے اعجاز آباد میں رات گئے ابابیل فورس کے اہلکارناکہ بندی کئے ہوئے تھے کہ تھانہ پھندوکی حدودمیں موٹرسائیکل سواروں نے پولیس فائرنگ کردی،جس سے ایک اہلکار موقع پر ہی شہید جبکہ ایک زخمی ہو گیا۔
پولیس کا کہنا ہےکہ اہلکاروں نے مشکوک موٹر سائیکل سواروں کو رکنے کا اشارہ کیا،نہ رکنے پر تعاقب کیا،جس پرملزمان نےفائرنگ کی۔ دونوں پولیس اہلکارتھانہ گلبہارمیں تعینات تھے،زخمی اہلکار کو اسپتال منتقل کردیا گیا۔
شہید اہلکارکی نماز جنازہ جنازہ ملک سعد شہید پولیس لائن میں پورے سرکاری اعزاز کیساتھ ادا کردی گئی،جس میں ایس ایس پی آپریشنزکاشف آفتاب عباسی سمیت اعلی حکام لواحقین اور پولیس افسران واہلکاروں نے کثیر تعداد میں شرکت کی۔
