Latest Urdu news from Pakistan - Peshawar, Lahore, Islamabad

مردان میں پولیس پر دہشت گردوں کی فائرنگ سے ایس پی شہید

مردان کے علاقے کاٹلنگ میں انٹیلیجنس بیسڈ آپریشن کے دوران دہشتگردوں کی پولیس پر فائرنگ سے ایس پی اعجاز خان شہید جبکہ ڈی ایس پی سمیت تین اہلکار زخمی ہوئے ہیں۔

تفصیلات کےمطابق کاٹلنگ کےعلاقے زڑہ متہ میں مبینہ دہشتگردوں نےپولیس پرفائرنگ کی جس کےنتیجےمیں ایس پی اعجازخان شہید ہوگئےجبکہ ڈی ایس پی سمیت 3 اہلکار شدید زخمی ہوئے ہیں ۔

واقعے کی اطلاع ملنے پر ریسکیو اور پولیس موقع پرپہنچ گئیں، ترجمان ریسکیو کے مطابق زخمیوں میں ڈی ایس پی نسیم خان، منصور اور سلیم شامل ہیں۔

پولیس ذرائع کا بتانا ہےکہ مردان کے علاقے کاٹلنگ میں دہشتگردوں کے خلاف انٹیلیجنس بیسڈ آپریشن کیا گیا جس میں پولیس کو انتہائی مطلوب دہشتگرد محسن قادر مارا گیا۔

دوسری جانب شہید ایس پی اعجاز خان کی نماز جنازہ پولیس لائنز میں ادا کردی گئی جس میں ڈی پی او مردان اور دیگر پولیس حکام نے شرکت کی۔

جواب چھوڑیں

آپ کا ای میل ایڈریس شائع نہیں کیا جائے گا.