پشاور:موٹر سائیکل سواروں کی فائرنگ سےابابیل فورس کا اہلکار شہید،ایک زخمی

پشاور میں موٹر سائیکل سواروں کی فائرنگ سےابابیل فورس کا اہلکار شہید جبکہ ایک زخمی ہوگیا ہے

صوبائِی دارالحکومت پشاور میں ابابیل فورس کا اہلکار نامعلوم موٹر سائیکل سواروں کی فائرنگ سے شہید جبکہ ایک اہلکار زخمی ہو گیا ہے۔اعلامیہ کے مطابق نامعلوم موٹر سائیکل سواروں نے پشاور کے تھانہ پھندو کی حدود میں پولیس کی ابابیل فورس پر فائرنگ کی۔پولیس ذرائع کے مطابق فائرنگ سے ابابیل فورس کا اہلکار شہید جبکہ فائرنگ سے ایک اہلکار زخمی بھی ہوا ہے۔

اس حوالے سے پولیس نے بتایا ہے کہ مشکوک موٹر سائیکل سواروں کو ابابیل سکواڈ کے اہلکاروں نےرکنے کا اشارہ کیا لیکن وہ نہ رکا۔ اس پر ابابیل فورس کے اہلکاروں نے ان کا تعاقب کیا جس کی وجہ سےانہوں نے فائرنگ کر دی۔
پولیس کے مطابق نامعلوم موٹر سائیکل سواروں کی فائرنگ سے ہسپتال زخمی ہونے والے پولیس اہلکار کو منتقل کر دیا گیا ہے۔واضح رہے کہ دونوں اہلکار تھانہ گلبہار میں ڈیوٹی پر مامور تھے۔