اسلام آباد: ذرائع کے مطابق سوشل میڈیا پر منفی پروپیگنڈے میں ملوث افراد قانونی گرفت میں آنا شروع ہو گئے ہیں ۔
حکومت نے سوشل میڈیا پر شرانگیزی پھیلانے والوں کیخلاف قانونی کارروائیاں تیز کردیں، ریاست اور ریاستی اداروں کے خلاف منفی پروپیگنڈے میں ملوث مزید 7 افراد کے خلاف ایف آئی آر درج کردی گئیں ۔
جعلی خبریں سوشل میڈیا پر پھیلانے والے ملزمان میں محمد اسامہ عمر فاروق ، غلام اکبراور محمد ابو بکرکے خلاف مقدمات درج کرلی گئیں ۔
جن پر مقدمات درج ہوئے ان میں علی شان ، محمد شوکت، میاں محمد عمران اور محمد بلال بھی شامل، ان تمام ملزمان کا تعلق ضلع مظفر گڑھ سے ہے ۔
اس سے قبل بھی 32 ملزمان کے خلاف مقدمات درج کیے جا چکے ہیں، ان ملزمان کےخلاف سخت قانونی کارروائی عمل میں لائی جا رہی ہے ۔
