امریکہ ریاست جارجیا کے ایک ہائی اسکول میں فائرنگ سے 4 افراد ہلاک اور 30 زخمی ہوگئے۔
پولیس نے مطابق ایک کم عمر مشتبہ حملہ آور کو حراست میں لیا ہے تاہم حملہ آور کا اسکول سے تعلق واضح نہ ہوسکا۔ریسکیو حکام کے مطابق واقعہ میں شدید زخمی ہونے والوں کو ہیلی کاپٹر کے ذریعے اسپتال منتقل کیا گیا ہے جبکہ متعدد زخمیوں کی حالت تشویشناک ہے۔ وائٹ ہاؤس سے جاری بیان میں کہا گیا کہ صدر بائیڈن کو جارجیا میں فائرنگ کے واقعے پر بریفنگ دی گئی ہے۔
دوسری جانب فائرنگ کا واقعہ پیش آنے کے بعد بیرو کاؤنٹی کے تمام اسکولوں کو بند کر دیا گیا ہے اور سیکیورٹی ٹیموں نے علاقے کو گھیرے میں لے لیا ہے۔
