پاک نیوزی لینڈ ٹی20سیریز کےکتنےمیچزموسمی حالات سےمتاثرہونےکاخطرہ ہے
کل سےپاکستان اور نیوزی لینڈ کے درمیان پانچ ٹی 20 میچوں پر مشتمل سیریز شروع ہو رہی ہے تاہم سیریز کے دوران برسات مداخلت کر کے میچز میں رکاوٹ ڈال سکتی ہے۔کل سے پاکستان اور نیوزی لینڈ کے درمیان پانچ ٹی ٹوئنٹی میچوں پر مشتمل سیریز کا آغاز ایسے وقت میں ہو رہا ہے جس وقت میں ملک کے بیشتر علاقے بارشوں کی لپیٹ میں ہیں اور آج شام سے بارش برسانے والا نیا سسٹم بھی ملک میں داخل ہو رہا ہے۔شائقین کرکٹ کو ایسے حالات میں فکر ہے کہیں سیریز بارش میں نہ بہہ جائے۔
پنڈی کرکٹ اسٹیڈیم میں سیریز کے ابتدائی تین میچز ہوگئے،جبکہ آخری دو میچز قذافی اسٹیڈیم لاہور میں کھیلے جائیں گے۔تاہم کل سے جڑواں شہروں میں تین روز تک بارش کی پیشگوئی ہے جس کے باعث پنڈی میں کھیلے جانے والے ابتدائی دو میچز جو بالترتیب جمعرات 18 اپریل اور ہفتہ 20 اپریل کو شیڈول ہیں، ان کے بارش سے متاثر ہونے کا خدشہ نظر آرہا ہے۔دوسری طرف گزشتہ روزسیریز کے لیے قومی ٹیم کے کھلاڑیوں نے پنڈی اسٹیڈیم میں بھرپور تیاری کی۔ کھلاڑیوں نے وارم اپ سیشن سے پریکٹس کا آغاز کیا جس کے بعد بیٹنگ، بولنگ، فیلڈنگ کی خامیوں کو دور کیا۔ پری سیریز فوٹو شوٹ بھی دونوں ٹیموں کا ہوا۔یادرہے کہ گزشتہ روز قومی ٹیم کے ہیڈ کوچ اظہر محمود نے پریس کانفرنس میں عندیہ دیا تھا کہ سیریز کے دوران کپتان بابر اعظم کو بھی آرام دیا جا سکتا ہے۔
