بھارتی کرکٹ ٹیم کے کپتان روہت شرما نے کہا ہے کہ ان کو لگتا ہے کہ پاکستان کی ٹیم بہت اچھی ہے اور پاکستانیوں کے پاس بڑے مضبوط اور نوجوان فاسٹ بولر ہیں۔
بھارٹی کرکٹ ٹیم کے کپتان روہت شرما نے بتایا کہ مجھے نہیں پتا پاک بھارت کرکٹ کا کیا اسٹیٹس ہے، میں صرف یہی کہوں گا کہ مجھے کرکٹ کھیلنی ہے کیونکہ میں ایک کرکٹر ہوں۔بھارتی کپتان نے پاکستانی کرکٹ ٹیم سے متعلق بات کرتے ہوئے کہا ہے کہ پاکستان کے نوجوان فاسٹ بولر بہت ہی مضبوط ہیں، اور پاکستان کی بیٹنگ بھی اچھی ہے، میں سمجھتا ہوں کہ مجموعی طور پر پاکستانی ٹیم بہت اچھی ہے۔
روہت شرما کے مطابق بھارت اور پاکستان کے درمیان میچ مختلف ہوتا ہے،لوگ پاک بھارت ٹیموں کو کھیلتے ہوئے دیکھنا چاہتے ہیں، اس کے ساتھ ہی انہوں نے کہا کہ مجھے پاکستانی فینز کے پیغامات بھی ملتے ہیں جو کہ مجھے اچھے لگتے ہیں، پاکستانی فینز کرکٹ کوبہت پسند کرتے ہیں۔ مزید بھارتی کپتان نے کہا ہے کہ آسٹریلیا میں آپ کو چیلنج کا سامنا ہوتا ہے، اسی طرح انگلینڈ میں بھی آپ کو چیلنج کیا جاتا ہے۔
