چینی وزیر خارجہ وانگ ای نے کہا ہے کہ امریکہ نے خود مختار ملک ایران کی جوہری تنصیبات پر کُھلم کھلا حملہ کرکے خطرناک مثال قائم کی، اگر کوئی جوہری سانحہ ہوا تو پوری دنیا اس کی قیمت ادا کرے گی ۔
پیرس میں فرانسیسی وزیر خارجہ کے ساتھ مشترکہ پریس کانفرنس میں چینی وزیر خارجہ وانگ ای نے کہا کہ ایران جوہری مسئلے کا حقیقی حل مشرق وسطیٰ کے بنیادی مسئلے فلسطین کو حل کیے بغیر ممکن نہیں ۔
انہوں نے کہا کہ دو ریاستی حل ہی مشرق وسطیٰ کے بحران کا واحد عملی راستہ ہے، بین الاقوامی برادری اس کے لیے مؤثر اور عملی اقدامات اٹھائے ۔
چین کے وزیر خارجہ کا مزید کہنا تھاکہ امریکہ نے خود مختار ملک ایران کی جوہری تنصیبات پر کُھلم کھلا حملہ کرکے خطرناک مثال قائم کی، اگر کوئی جوہری سانحہ ہوا تو پوری دنیا اس کی قیمت ادا کرے گی ۔
چینی وزیر خارجہ وانگ ای کا کہنا تھا کہ پہلے طاقت پھر امن کا نظریہ محض طاقت کی منطق ہے اور طاقت امن نہیں لاسکتی ۔
