وزیر داخلہ محسن نقوی نے وزیراعظم شہباز شریف سے ملاقات کی اور انہیں یوم عاشور کے موقع پر سیکیورٹی انتظامات پر تفصیلی بریفنگ بھی دی،اس موقع پر وزیراعظم نے صوبائی حکومتوں، سیکیورٹی فورسز اور پولیس کی کارکردگی کی تعریف کرنتے ہوئے انہیں شاباش بھی دی ۔
اسلام آباد: وزیراعظم شہباز شریف سے وزیرداخلہ محسن نقوی نے ملاقات کی، وزیر داخلہ نے یوم عاشور کے موقع پر ملک بھر کی صورتحال اور سیکیورٹی کے حوالے سے لیے گئے انتظامات پر وزیر اعظم کو بریفنگ دی ۔
وزیراعظم نے صوبوں کے وزرائے اعلیٰ مریم نواز، مراد علی شاہ، علی امین گنڈاپور، میر سرفراز بگٹی، وزیر اعظم آزاد جموں کشمیر چوہدری انوار الحق، وزیر اعلی گلگت بلتستان گلبر خان کو یوم عاشور کے موقع اپنے اپنے علاقوں میں مؤثر سیکیورٹی انتظامات کرنے پر خراج تحسین پیش کیا ۔
وزیراعظم نے صوبائی انتظامیہ، پولیس، سیکیورٹی فورسز اور رینجرز کی کارکردگی کی تعریف کی اور کہا کہ صوبائی حکومتوں اور سیکیورٹی فورسز کی مؤثر و پیشہ ورانہ منصوبہ بندی کی بدولت عوام کے لیے یوم عاشور کا پر امن اور پر سکون انعقاد ممکن ہوا ۔
اس موقع پر وزیر داخلہ محسن نقوی نے کہا کہ حکومت نے یوم عاشور کے موقع پر سیکیورٹی کے انتظامات اورعوام کو سہولیات فراہم کرنے کے لیے تمام تر اقدامات اٹھائے ۔
وزیراعظم شہباز شریف نے وفاقی وزیر داخلہ محسن نقوی کو عاشورہ کے انتظامات احسن طریقے سے کرنے پر سراہا اور سیکیورٹی اہلاکروں کی بھی تعریف کی ۔
