پاک فوج کے شعبۂ تعلقات عامہ (آئی ایس پی آر) کے مطابق بلوچستان میں سکیورٹی فورسز نے دو مختلف کارروائیوں کے دوران بھارتی حمایت یافتہ پندرہ دہشت گردوں کو ہلاک کر دیا۔
آئی ایس پی آر کے بیان کے مطابق پہلی کارروائی ضلع ہرنائی میں خفیہ اطلاع پر کی گئی۔ اس دوران سکیورٹی فورسز نے دہشت گردوں کے خفیہ ٹھکانوں کو نشانہ بنایا۔ کارروائی کے دوران سکیورٹی فورسز اور دہشت گردوں کے درمیان شدید فائرنگ کا تبادلہ ہوا جس کے نتیجے میں بارہ دہشت گرد مارے گئے۔
بیان میں مزید کہا گیا ہے کہ دوسری کارروائی ضلع بسیمہ میں کی گئی جہاں سکیورٹی فورسز نے تین دہشت گردوں کو ہلاک کر دیا۔
آئی ایس پی آر کے مطابق کارروائیوں کے دوران دہشت گردوں کے قبضے سے بڑی مقدار میں اسلحہ، گولہ بارود اور دھماکہ خیز مواد بھی برآمد کیا گیا۔
پاک فوج کے ترجمان کا کہنا ہے کہ ملک سے دہشت گردی کے خاتمے کے لیے سکیورٹی فورسز کی کارروائیاں جاری رہیں گی۔
