باکسر محمد علی کو مداحوں سے بچھڑے ہوئے آج 8برس بیت گئے ہیں۔
باکسر محمد علی نے 17 جنوری 1942ء کو امریکی شہر لوئسویل کے ایک مسیحی گھرانے میں پیدا ہوئے۔ان کا نام کاسیئس کلے رکھا گیا،اور انہوں نے 1970 میں اسلام قبول کرلیا۔
باکسنگ کی دنیا کے مشہور بادشاہ محمد علی نے 29 اکتوبر1960ء کو آبائی قصبے لوئسویل میں پہلا مقابلہ جیتا اور 60 کی دہائی میں ہی باکسر محمد علی نے روم اولمپک میں سونے کا تمغہ بھی جیتا۔
محمد علی نے 1964 میں دنیائے باکسنگ کے سب سے خطرناک ترین کھلاڑی سونی لسٹن کو شکست دے کر بے پناہ شہرت حاصل کی، انہوں نے 1974 میں جارج فورمین کو شکست دے کر 32 سال کی عمر میں باکسنگ کا عالمی ٹائٹل اپنے نام کرلیا۔
محمد علی کا باکسنگ کیریئر 20 سال پرمحیط رہا،انہوں نے اس دوران 56 مقابلے جیتے اور 37 باکسرز کو ناک آؤٹ بھی کیا، لیجنڈ باکسرمحمد علی کو ورلڈ باکسنگ کونسل کی طرف سے کنگ آف باکسنگ کا خطاب بھی دیا گیا۔3 جون 2016ء کو یہ عظیم اور بہادر باکسر 74 برس کی عمر میں انتقال کر گیا لیکن آج بھی ان کی یاد مداحوں کے دلوں میں زندہ ہے۔
