کراچی کے علاقے اختر کالونی میں، گھر میں سلنڈر پھٹنے کے نتیجے میں ماں اور بچوں سمیت 5 افراد زخمی ہوگئے۔
ذرائع کے مطابق کراچی کے علاقے اختر کالونی گلی نمبر 10 کے گھر میں سلنڈر دھماکا ہوا ، جس کے نتیجے میں خاتون اور بچوں سمیت 5 افراد زخمی ہوگئے۔واقعے کی اطلاع ملنے پر ریسکیو ٹیمیں موقع پر پہنچ گئی، زخمیوں کو طبی امداد کیلئے اسپتال منتقل کیا گیا۔پولیس جائے وقوعہ پر پہنچ گئی،اور واقعہ کی جانچ پڑتال شروع کر دی گئی ـخیال رہے حیدرآباد میں سلنڈر دھماکے میں27 افراد کی ہلاکت کے واقعے کے بعد سندھ حکومت نے بڑا فیصلہ کیا تھا۔
حکومت نے سندھ بھر میں ڈپٹی کمشنرز کو غیرقانونی ایل این جی اور ایل پی جی دکانوں کیخلاف ایکشن کا حکم دیا تھا۔
