قازقستان کے صدر قاسم جومارت توکایووف دو روزہ سرکاری دورے پر پاکستان پہنچ گئے، صدر مملکت آصف زرداری اور وزیراعظم شہبازشریف نے معزز مہمان کا گرمجوشی سے استقبال کیا ۔
قازقستان کے صدر قاسم جومارت توکایووف راولپنڈی کی نور خان ایئر بیس پہنچے جہاں صدر مملکت آصف علی زرداری اور وزیراعظم محمد شہباز شریف نے معزز مہمان کا گرمجوشی استقبال کیا ۔
صدر قاسم جومارت توکایووف کے ہمراہ قازقستان کے سینئر وزراء اور سرکاری حکام پر مشتمل اعلیٰ سطح کا وفد بھی پاکستان آیا ہے ۔
اپنے دو روزہ دورے کے دوران معزز مہمان اپنے پاکستانی ہم منصب آصف علی زرداری اور وزیراعظم شہباز شریف سے اہم ملاقاتیں کریں گے ۔
دونوں ممالک کے درمیان کئی شعبوں میں تعاون کی مفاہمتی یادداشتوں اور معاہدوں پر دستخط بھی ہوں گے ۔
