ضلع خیبر میں افغان طالبان کی بلااشتعال کارروائیوں کے خلاف پاک فوج کی بھرپور جوابی کارروائیاں جاری ہیں۔ اس موقع پر عوام نے بھی ملک کے دفاع کے لیے بھرپور جذبہ دکھاتے ہوئے سڑکوں پر نکل کر پاک فوج کے ساتھ یکجہتی کا اظہار کیا۔
لنڈی کوتل بازار میں ضلعی عمائدین، مشران، کونسلرز اور تاجربرادری کے زیر اہتمام ریلی کا انعقاد کیا گیا، جس میں عوام کی بڑی تعداد نے شرکت کی۔ ضلعی انتظامیہ اور پولیس کے اہلکاروں نے بھی ریلی میں بھرپور حصہ لیا۔
شرکاء نے پاک فوج کے حق میں نعرے لگائے اور عزم کیا کہ مشکل گھڑی میں وہ پاک فوج کے شانہ بشانہ کھڑے رہیں گے اور ملک کے دفاع کے لیے کسی بھی قربانی سے دریغ نہیں کریں گے۔
ریلی میں شریک عوام نے ایک بار پھر یہ پیغام دیا کہ ملک کی سلامتی اور دفاع کے لیے پاکستان کے ہر شہری پاک فوج کے ساتھ متحد ہے۔
