لکی مروت کے علاقے بہرام خیل میں رشید نامی شخص کا گھر میں بھائیوں سے جھگڑے کے بعد دستی بم کا دھماکہ ہوا ہے، پولیس کے مطابق دھماکے میں میاں بیوی سمیت 3 افراد جاں بحق جبکہ ان کے 3 بچے شدید زخمی ہو گئے ہیں ۔
لکی مروت پولیس کے مطابق دھماکے میں جاں بحق ہونے والوں میں رشید خان ،ایک بھابھی اور ایک کمسن بھتیجا شامل ہیں جبکہ جاں بحق شخص کے 3 بچے شدید زخمی ہونے والوں میں شامل ہیں ۔
یہ بھی پڑھیں: افغانستان میں دہشت گرد گروہوں سے لاحق خطرات پر پاکستان اور چین کا مشترکہ لائحہ عمل اپنانے پر اتفاق
پولیس نے مزید بتایا کہ رشید نامی شخص نے بھائیوں سے جھگڑے کے بعد عصر کے وقت اپنے گھر کو آگ بھی لگائی تھی اور اہل علاقہ کو آگ بجھانے سے بھی منع کیا تھا ۔
پولیس کا کہنا ہے کہ گھر میں دستی بم کی موجودگی اور دھماکے کی تحقیقات کی جا رہی ہیں ۔
