آئل اینڈ گیس ریگولیٹری اتھارٹی یعنی اوگرا نے ایل پی جی کی قمیت میں اضافہ کر دیا اور اس حوالے سے نوٹی فکیشن بھی جاری کردیا ۔
اوگرا کی جانب سے جاری نوٹیفکیشن کے مطابق یکم اکتوبر سے ایل پی جی کا گھریلو سلنڈر 86 روپے 28 پیسے مہنگا کر دیا گیا۔
نوٹی فکیشن کے مطابق ایل پی جی کی قیمت فی کلو 7 روپے 31 پیسے مہنگی کی گئی ہے جس کے بعد اکتوبر کیلئے ایل پی جی کی فی کلو قیمت 251 روپے30 پیسے مقرر کی گئی ہے۔
نوٹیفکیشن کے مطابق اکتوبرکیلئے ایل پی جی کے 11.8 کلو گھریلو سلنڈر کی قیمت 2965 روپے 38 پیسے ہوگئی ہے۔
