لکی مروت میں پولیس گاڑی پر فائرنگ ہوئی ہے۔زیر حراست نوجوان جاں بحق ہو گیا ہے
ضلع لکی مروت میں پولیس گاڑی پر منشیات فروشوں کی فائرنگ سے زیر حراست زین اللہ نامی نوجوان جاں بحق ہو گیا ہے۔ڈی ایس پی عمر دراز نے بتایا ہے کہ غزنی خیل پولیس زین اللہ نامی ملزم کو ساتھی سجاد سمیت منشیات کے کیس میں گرفتار کرکے تھانے منتقل کر رہی تھی کہ مبینہ منشیات فروشوں نے غزنی خیل کے قریب فائرنگ کر دی۔ان کے مطابق اس دوران جواب میں منشیات فروشوں پر پولیس نے بھی فائرنگ کی۔
مزید انہوں نے بتایا کہ پولیس گاڑی میں دو طرفہ فائرنگ کے دوران موجود زین اللہ شدید زخمی ہو گیا جسے ہسپتال فوری طبی امداد کیلئے منتقل کیا گیا لیکن اس دوران وہ دم توڑ گیا۔پولیس کی حراست سے کراس فائرنگ کے دوران جاں بحق نوجوان کا ساتھی سجاد بھی بھاگ گیا۔
