رمضان نگہبان ریلیف پیکیج۔پنجاب کابینہ نے پیکج کی منظوری دے دی۔وزیر اعلی مریم نواز نے متعلقہ حکام کو رمضان نگہبان پیکیج کی تقسیم کی کڑی مانیٹرنگ کرنے کی ہدایت کردی
وزیراعلی مریم نوازکی زیرصدارت پنجاب کابینہ کا پہلا اجلاس ہوا۔مریم نواز نے تمام وزرا قلم دان سنبھالنے پرمبارکباد دی۔رمضان نگہبان ریلیف پیکیج میں 10کلو آٹا، 2کلو چاول، 2کلو چینی، 2 کلو گھی اور 2کلو بیسن شامل ہوگا۔وزیراعلی نے اشیائے خور و نوش کے معیار کو یقینی بنانے کیلیے پنجاب فوڈ اتھارٹی کو ٹاسک دے دیا۔
وزیراعلی پنجاب مریم نواز نے صوبائی وزرا کو رمضان نگہبان پیکیج کی تقسیم کی کڑی مانیٹرنگ کرنے کی ہدایت کرتے ہوئے کہا کہ رمضان المبارک میں گراں فروشوں اور ذخیرہ اندوزوں پر نظر رکھی جائے۔پنجاب کی کابینہ نے ضلعی سطح پر سستے رمضان بازار لگانے کی بھی منظوری دی۔ اجلاس میں کابینہ اسٹینڈنگ کمیٹی برائے فنانس اینڈ ڈیولپمنٹ کی تشکیل کی منظوری بھی دی گئی۔یاد رہے کہ گزشتہ روز مریم نواز نے کہا تھا کہ محمد نواز شریف نے مکمل رہنمائی کی، نواز شریف کا ایجنڈا اور مشن عوام کو ریلیف فراہم کرنا ہے، رمضان میں پنجاب کے عوام کو اب قطاروں میں کھڑا نہیں ہونا پڑے گا۔
