محکمہ موسمیات نے بلوچستان میں 3 جولائی سے لے کر 7 جولائی کے دوران مون سون کی بارشوں کی پیشگوئی کی ہے۔
محکمہ موسمیات کے مطابق 3 جولائی سے بحیرہ عرب اور خلیج بنگال سے مون سون ہوائیں تیزی کے ساتھ ملک کے بالائی علاقوں میں داخل ہوں گی جس کے باعث 3 جولائی سے لے کر 7 جولائی کے دوران بلوچستان کے مشرقی علاقوں میں شدید گرج چمک کے ساتھ بارش کا امکان ظاہر کیا گیا ہے۔دوسری طرف پی ڈی ایم اے نے صوبے کے 15اضلاع، لسبیلہ، خضدار، آواران، جھل مگسی، قلات، نصیر آباد، اوستہ محمد، صحبت پور، جعفر آباد، ڈیرہ بگٹی، موسیٰ خیل کوہلو، ژوب زیارت، بارکھان کی انتظامیہ کو بارشوں کے دوران الرٹ رہنے کی ہدایایت بھی جاری کردی ہیں۔ مسافروں اور سیاحوں کو بھی اس دوران غیر ضروری سفر سے اجتناب کرنے کی ہداہت کی گئی ہے۔جبکہ اس کے ساتھ ہی عام شہریوں کو تیز بارش اور گرج چمک کے دوران محفوظ مقامات پر ٹھہرنے کا بھی کہا گیا ہے۔
