ذرائع کے مطابق پشاور میں نامعلوم مسلح افراد نے ایک ٹریفک پولیس اہلکار کو گولی مار کر ہلاک کر دیا۔
تفصیلات کے مطابق ٹریفک پولیس اہلکار محمد طاہر کو رنگ روڈ کے کبوتر چوک پر اس وقت نشانہ بنایا گیا جب وہ ڈیوٹی ختم کرکے اپنے گھر جا رہے تھے۔واقعہ کی اطلاع ملتے ہی پولیس کی بھاری نفری موقع پر پہنچ گئی۔ لاش کو ہسپتال منتقل کر دیا گیا۔
7 نومبر کو صوبہ خیبر پختونخواہ کے ضلع ڈیرہ اسماعیل خان میں آئل اینڈ گیس کمپنی کے کیمپ پر ہونے والے دہشت گردانہ حملے میں کم از کم دو پولیس اہلکار شہید اور تین زخمی ہوئے۔تفصیلات کے مطابق پولیس حکام کا کہنا ہے کہ دہشت گردوں نے ڈیرہ اسماعیل خان کے علاقے درازندہ میں آئل اینڈ گیس کمپنی کے کیمپ پر حملہ کیا۔دہشت گردوں سے فائرنگ کے تبادلے میں کیمپ کی سیکیورٹی پر تعینات دو پولیس اہلکار اے ایس آئی رحمت الٰہی اور خان عارف شہید جب کہ تین پولیس اہلکار عالمگیر خان، فضل الرحمان اور عطا الرحمان زخمی ہوگئے۔
