میکسیکو:انتخابی جلسے کے دوران اسٹیج گرنے سے 9 افراد ہلاک ہوگئے

میکسیکو میں انتخابی جلسہ ہوا۔جس  کے دوران اسٹیج گرنے سے 9 افراد ہلاک جبکہ 50 افراد زخمی ہوگئے ہیں۔ برطانوی خبررساں اداروں کے مطابق یہ حادثہ اس وقت پیش آیا جب میکسیکن صدارتی الیکشن میں امیدوار  جارج الوریز مینیز سین پیڈرو گرزا شہر  میں اپنی انتخابی تقریر کررہے تھے۔ اس دوران اسٹیج گر گیا۔ اسٹیج  تیز ہوا کا جھونکا آنے سے گرا۔اس حادثے میں صدارتی امیدوار مینیز محفوظ رہے مگر ان کے بہت سے ساتھی اسٹیج گرنے سے شدید زخمی ہوئے ہیں۔

صدارتی امیدوار مینیز   نے اپنی سوشل میڈیا پوسٹ میں بتایا ہے کہ اسٹیج کے گرنے سے 3 خواتین، ایک مرد اور ایک بچی ہلاک ہوگئی ہے،جبکہ میڈیا رپورٹس کے مطابق 9 ہلاکتوں کی تصدیق ہوئی ہے۔صدارتی امیدوار مینیز نے کہا کہ میں نے زندگی میں کبھی کسی چیز کو اس طرح اچانک سے محسوس نہیں کیا، امید کرتے ہیں کہ انتظامیہ تحقیقات کرے گی کہ آخر یہ واقعہ کیوں پیش آیا۔