Latest Urdu news from Pakistan - Peshawar, Lahore, Islamabad

کے پی اور گلگت بلتستان میں گلاف الرٹ جاری کردیا گیا

کے پی اور گلگت بلتستان میں گلاف الرٹ جاری کردیا گیا ہے۔

گلگت بلتستان میں درجہ حرارت بڑھنے کی وجہ سے رواں ہفتے گلیشئر پگلنے سے سیلاب کا خطرہ بڑھ گیا۔ذرائع کے مطابق محکمہ موسمیات نے مقامی حکام کو آگاہ کیا کہ  خیبر پختونخوا اور گلگت بلتستان میں 21 اور 27 مئی کے درمیان دن کے وقت درجہ حرارت چار سے چھ ڈگری سینٹی گریڈ زیادہ رہنے کی توقع ہے، جو کہ معمول سے بہت زیادہ ہے۔ اس دورانیہ میں آندھی اور شدید گرج چمک کے ساتھ طوفان بھی متوقع ہے۔

اس کے ساتھ ہی محکمہ موسمیات نے پورے خطے میں رواں ہفتے ممکنہ گلیشیل لیک آؤٹ برسٹ فلڈ (گلاف) کے واقعات اور سیلاب سے خبردار بھی کیا ہے۔گلوف اور فلڈ سیلاب سے گلگت بلتستان اور خیبر پختونخوا کے ضلع چترال کے برف سے ڈھکے ہوئے اور برفانی علاقے متاثر ہونے کا امکان ظاہر کیا جارہا ہے۔

مقامی حکام نے گلیشیئرز کے قریب رہنے والے لوگوں کو پہلے سے ہی خبر دار کردیا ہے تاکہ وہ لوگ احتیاطی تدابیر اختیار کریں، اس کے ساتھ ہی سیاحوں کو بھی بارش کے دوران محتاط رہنے کا مشورہ دیا گیا ہے۔یاد رہے کہ 2022 میں گلگت بلتستان کے اضلاع ہنزہ، نگر، غذر، استور، اسکردو اور گلگت کے کئی دیہاتوں کو سیلاب اور گلیشئر پگلنے کی وجہ سے بننے والے سیلاب اور دیگر واقعات نے شدید متاثر کیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.