عورت کو مکھی سے تشبیہ دینے پر مشی خان نےعدنان صدیقی پر تنقید کی

عورت کو مکھی سے تشبیہ دینے پر مشی خان نےعدنان صدیقی پر تنقید کا اظہار کیا ہے

پاکستانی اداکارہ مشی خان نے اپنے ساتھی اداکار عدنان صدیقی کو خواتین کو مکھیوں سے تشبیہ دینے پر سخت تنقید کا نشانہ بنایا اور ساتھ ہی انہوں نے ان پر حیرت کا اظہار بھی کیا ہے۔حال ہی میں سینئر اداکار نے ایک نجی ٹی وی شو کے دوران گفتگو کرتے ہوئے کہا تھا کہ خواتین اور مکھی کی مثال ایک جیسی ہی ہے،جتنا آپ خواتین کے پیچھے بھاگیں گے وہ آپ سے دور بھاگیں گی اور اگر آپ ان کے پاس بیٹھ جائیں گے تو وہ مکھی کی طرح ہاتھ پر آکر بیٹھ جائیں گی۔ اپنی مثال اداکار نے شو کے دوران دیتے ہوئے یہ بھی کہا تھا کہ میں جب مکھی کے پیچھے بھاگ رہا تھا تو وہ بھاگ رہی تھی اور میں جب بیٹھ گیا تو وہ میری ناک پر آکر بیٹھ گئی۔انہوں نے بعدازاں انسٹاگرام اکاؤنٹ پر اپنے بیان کی معافی بھی مانگی تھی۔

مشی خان کی تنقید:

اس کے ردعمل میں اب اداکارہ مشی خان نے انسٹاگرام پر ایک ویڈیو پیغام جاری کیا۔انہوں نے جس میں کہا کہ ‘عدنان صدیقی کو کچھ ہفتے قبل پرائیڈ آف پرفارمنس ملا۔مجھے جس پر بہت خوشی تھی لیکن ایک شو میں انہوں نے ایسی بات کردی جس پر بہت حیرانی ہوئی، آپ کو کیا ہوگیا۔مشی کے مطابق ‘اتنا بڑا ایوارڈ ملنے کے بعد انسان کا مذاق بھی شاندار ہونا چاہیے لیکن وہ اگر مذاق نچلی سطح کا ہو تو انسان کو نارمل بات کرنی چاہیے،مکھیوں سے خواتین کا موازنہ کرکے کون سی مثال دے رہے ہیں؟ اتنا بڑا ایوارڈ آپ کو ملا، اتنا شاندار کام کیا جس کے بعد آپ کا سینس آف ہیومر  اوپر جانا چاہیے لیکن یہ تو مزید بہت کم ہوگیا ہے۔اداکارہ نے کہا کہ شو کے دوران میزبان ندا یاسر نے عدنان صدیقی کے بیان سے لاتعلقی کا اظہار کیا لیکن میں اگر ان کی جگہ میزبان ہوتی تو شہد کی مکھی بن کر عدنان پر ایسے بیٹھتی کہ ان کےمنہ پر سوجن ہوجاتی اور وہ سوجن دوائی سے ہی حل ہوتی۔