ملتان سلطانز نے پشاور زلمی کو شکست دیکر پی ایس ایل نائن کے فائنل کیلئے کوالیفائی کرلیا ہے۔ سیزن 9 کے کوالیفائر میں ملتان سلطانز نے پشاور زلمی کو  7 وکٹوں سے شکست دے کر فائنل کے لیے کوالیفائی کیا۔

ملتان سلطانز نے پشاور زلمی کا 147 رنز کا ہدف 19 ویں اوور میں 3 وکٹوں کے نقصان پر حاصل کرلیا،  یاسر خان 54 رنز بناکر نمایاں رہے۔

 ملتان سلطانز کی ٹیم میں ایک تبدیلی کی گئی، طیب طاہر کی جگہ خوشدل شاہ کو ٹیم میں شامل کیا گیا  جبکہ پشاور زلمی کی ٹیم میں دو تبدیلیاں کی گئیں، نوین الحق اور ایمل خان کی جگہ پال والٹر اور سلمان ارشاد کو ٹیم کا حصہ بنایا گیا۔

پشاور زلمی کی اننگز

ملتان سلطانز کے خلاف پشاور زلمی نے مقررہ 20 اوور میں 7 وکٹ پر 146 رنز بنائے۔ کپتان بابر اعظم 46 رنز بناکر نمایاں رہے۔ کرس جارڈن اور اسامہ میر نے 2،2 وکٹیں حاصل کیں۔ڈیوڈ ولی، محمد علی اور عباس آفریدی نے ایک ایک کھلاڑی کو آؤٹ کیا۔

ملتان سلطانز کی اننگز

ملتان سلطانز نے پشاور زلمی کا 147 رنز کا ہدف با آسانی 19 ویں اوور میں  3 وکٹوں کے نقصان پر حاصل کرلیا۔ یاسر خان نے 54 رنز کی اننگز کھیلی، جس میں ایک چھکا 7 چوکے شامل تھے۔

اس کے علاوہ عثمان خان نے 36 رنز کی ناقابل شکست اننگز کھیلی جبکہ افتخار احمد بھی 22 رنز کے ساتھ ناٹ آؤٹ رہے۔محمد رضوان 15 اور جانسن چارلس نے 11 رنز بنائے۔  پشاور زلمی کوالیفائر میچ میں شکست کے باوجود ابھی فائنل کی دوڑ سے باہر نہیں ہوئی وہ  ایلیمنیٹر ون کی فاتح ٹیم سےمقابلہ کرے گی۔