اسلام آباد: پیٹرولیم مصنوعات کی قیمتوں میں 15 فروری کے بعد بڑی کمی متوقع ہے، اس حوالے سے کمی کی سمری اوگرا کو بجھوا دی گئی ۔
قیمتوں میں کمی عالمی مارکیٹ میں خام تیل کی قیمتوں کے تناسب سے ہوگی ،ارسال کی گئی سمری کے مطابق ہائی سپیڈ کی قیمت میں 9 روپے 11 پیسے تک کمی اور پیٹرول کی فی لیٹر قیمت میں ڈھائی روپے تک کمی کا امکان ہے ۔
اسی طرح مٹی کے تیل کی قیمت میں 3 روپے 45 پیسے اور لائٹ ڈیزل کے نرخ میں 5 روپے 60 پیسے فی لٹر تک کمی ہو سکتی ہے ۔
اوگرا عالمی مارکیٹ کے تناسب سے حتمی ورکنگ 15 فروری کو حکومت کو بھجوائے گا، وزیر اعظم شہباز شریف پیٹرولیم قیمتوں سے متعلق حتمی منظوری دیں گے ۔
وزیراعظم شہبازشریف کی جانب سے حتمی منظوری کے بعد وزارت خزانہ آئندہ 28 فروری تک کے لیے قیمتوں کا نوٹیفکیشن جاری کرے گی ۔
