انٹرنیٹ بندش کی کوئی تجویزالیکشن کےروز زیر غور نہیں ہے۔پولنگ کے روز چیف الیکشن کمشنر سکندر سلطان نے انٹرنیٹ کی بندش کا امکان مسترد کردیا
چیف الیکشن کمشنر سکندر سلطان راجہ نے جمعرات کے روز الیکشن کمیشن میں عام انتخابات کے حوالے سے ہونے والے اہم اجلاس کے بعد میڈیا سے غیررسمی گفتگو کی۔جس میں انہوں نے کہا کہ خیبرپختونخوا اور بلوچستان میں امن وامان کی صورتحال سے نمٹا جارہا ہے، پورے ملک میں الیکشن 8 فروری کو ہوگا اس میں کسی قسم کا شک وشبہ نہ رہے۔
چیف الیکشن کمشنر سکندر سلطان نے ایک سوال کے جواب میں کہا کہ سکیورٹی صورتحال کو بہتر بنایا جارہا ہے،اور اس حوالے سے کام بھی جاری ہے۔ انٹرنیٹ کی بندش کے حوالے سے پولنگ ڈے پر کوئی بات زیر غور نہیں، اگر انٹرنیٹ سروس کا معاملہ سامنے آیا تو ہمارا ای ایم ایس آف لائن کام کرےگا۔
