نور بخاری اپنے شوہر عون چوہدری کی جیت پر برے کمنٹس کرنے والوں پر برس پڑیں اور ان کو خوب اچھی خاصی باتیں سنا دی
شوبز انڈسٹری پاکستان کی سابقہ اداکارہ نور بخاری نے اپنے شوہر عون چودھری کی جیت پر غلیظ اور فضول کمنٹس کرنے والوں کو خوب کھری کھری باتیں سنا دیں۔غیر سرکاری اور غیر حتمی نتائج کے مطابق سابقہ اداکارہ نور بخاری کے شوہرعون چودھری نے لاہور کے حلقہ این اے 128 سے کامیابی حاصل کر لی ہے۔
سابقہ اداکارہ کی سوشل میڈیا پوسٹس پر شوہر عون چودھری کی کامیابی کے بعد صارفین نے نامناسب تبصرے شروع کیے جس پر سابقہ اداکارہ نور بخاری نے انسٹا گرام سٹوری میں غلیظ اور فضول کمنٹس کرنے والوں کو آئینہ دکھا دیا۔کسی کا نام لیے بغیر نور بخاری نے لکھا کہ اپنا غصہ صارفین میری پوسٹس پر نہ نکالیں اور اپنی منفی سوچ کو مہربانی کر کے خود تک محدود رکھیں۔
مزید سابقہ اداکارہ نے لکھا کسی نے کیا خوب کہا ہے کہ اپنے گھر میں جس شخص کو دوسری بوٹی سالن میں نہیں ملتی وہ بھی معروف شخصیات کے خلاف سوشل میڈیا پر آ کر لکھتے ہیں، اپنی بھڑاس ایسے لوگ شوبز شخصیات کی سوشل میڈیا پوسٹس پر آکر نکالتے ہیں۔اعلان کے بعد اداکارہ نے شوہر عون چودھری کی فتح کی ان کی تصویر انسٹا گرام پر شیئر کی تھی، جس کے بعد پوسٹ کے کمنٹس کی آپشن انہوں نے بند کردی تھی۔
